Têkilîya amerîkanan û mast heta ewro henî rinde nêbîya. Labelê aşmanê peyênan de DYA de werdişê mastî xafil de bî trend. Semedê nê ganîbîyayîşî şîrketê Chobanî yo ke hetê yew kirmancê dêrsimijî ra ame saz kerdene.

Hamdî Ulukaya Dêrsim/Erzingan de ame dinya û 25serrîya xo de şîyo DYA. Tayê kar û gureyanê qijkekan ra dime Ulukayayî dî ke Amerîka de mast henî nêwerîno. Ey şono ro sebebê mastnêwerdişê amerîkayijan gêreno û vîneno ke şarê Amerîka tehmê mastê xo ra hes nêkeno. O ra dime Ulukaya şîrketê xo Chobanî nano ro. Fikrê Ulukayayî: her çî ke zereyê mastî de esto, tebîî bo. No sektor wextêde kilm de beno girs, Ulukaya hetê kovara Forbesî ra sey “Steve Jobsê Mastî” yeno name kerdene.

Hamdî Ulukaya, herçiqas ke karê xo de serkewte yo, kokê xo xo vîr ra nêkeno û Festîvala Kurdan a Amerîka sponsor keno.

Chobanî serre de 700 mîlyonî cîro vejeno û her serre para xo ya pîyase keno zêde. Şîrketê namdarî sey Yoplaît, Dannon û Fage duştê mastê Ulukayayî de bêqewet manenê. Werteyê panc serran de Chobanî bi şîrketo tewr girs ê mastî yê DYA.

2 ŞÎROVEYÎ

  1. Dewleta ma ke bibîyêne….Seba ke dewleta ma çîn a, na xebere ma tenya bi zonê ma na kêyepelge da wanenîme.Ê yê mi fam kenê xora fam kenê. Axir mast weş o.

Comments are closed.