Keyepel Spor Amedsporî xo lîgê tirkan ra ant

Amedsporî xo lîgê tirkan ra ant

366
2

Kuluba Futbolî ya Dîyarbekirî Amedspor serebûtanê kayê Denîzlî Buyukşehîr Beledîyesporî ra dime qerar girewt ke xo lîgê Sport Toto 3. ra peyser bianco.

Serekê kulube Fewzî Îlhanî vilaweka xo de da zanayene Amedspor rastê neheqîyan bîyo. Kulube û terefgirê ci êdî bawerîya xo bi Federasyonê Futbolî yê Tirkan (TFF) nêanê. Hedef nika o yo ke yew lîgo neweyo cayî bêro awan kerdene. Îlhanî ney de kî venga taximanê bînanê Kurdîstanî da.

Maçê rovanşî yê fînalê grûba 2. ya Lîgê Spor Toto yê 3. de taximê Dîyarbekirî deqaya 88. de bi 1-0 vejîyabî ver. Deqaya 90+5 de hekem Huseyîn Sabancî seba ekîbê Denîzlî yew penaltî daye. Eştişê penaltî ra dime terefgirî vejîyayî war. Warê futbolî kewt têwerte ro, hekemî şîyî odayanê xo. Dima, polîsî bi gaz û tujawe mudaxeleyê terefgiran kerd. Vilaweka Îlhanî de ey hekem sey provokator sucdar kerd. “Penaltîya ke daya, xeyrê mantiqî bîya û tena seba ke kuluba ma şampîyon nêbo, coka ameye dayene. (…) Ey xeyalê 10 xortanê ma tirtî.”

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

2 ŞÎROVEYÎ

  1. Sıma rınd kerd! Tırko ra ma re xer mer çino, nıka sırra dersımspor ya. ma pöre piya ju lige kırmancu rakerime!

  2. Ligane tirkanra, partiyane tirkanra, zone tirknra, milete tirkanra, yani her ciye tirkanra milete Kurd ra qe alakurtare cina. Ci kasi ke ma tirkanra durri vindeme hen yeme xo ser, raye xora sonime. Hen hevi kend ke ju roze na rastiye hete siyasetkarane kurdan rak yeno fehm kerdene u ik xo siyaseta tirkan ra peyser ancine.

CEWAB BIDE

Please enter your comment!
Please enter your name here