Parlamenterê HDP Altan Tanî cewabê serekkomarê Tirkîya Erdoganî da: “Ma quzilqurt û zexnepurt wazenîme!” Persê Erdoxanî bîyo ke kurdî Tirkîya ra çi wazenê.
Erdoganî qiseykerdişê xo de mesela kurde înkar kerdbîye vatbî: “Birayê mi, çi mesela kurdan esta? Ti çi wazena? Çi cîyayîya ma esta?” Boyna, Erdoganî derheqê prosesê aştîye de va ke, eke PKK çekanê xo ronênana, hukmatê Tirkîya hîna zaf gaman nêerzeno.
“40 serrî yo ke yew mucadele esta. Yeno vano ke ‘nê kurdî çi wazenê, mi fehm nêkerd'”
Altan Tanî kî tepîya va ke “Armancê ma o yo ke, seke Qonya de kurdî û tirkî têlewe de sey birayan ciwîyenê, ma wazenîme ke Tirkîya kî henî bikerîme yew komare ke tede heqanê demokrasîye û dînî pîya sey birayan ciwîyenê. Mucadeleya ma ya raştikêne na ya. Seke tayê fikirîyenê, tayê ters vila kenê ke nê çîyî do welat cîya bikerê, nê wazenê ke parçe bikerê û nê nînan pê cengî wazenê, qet projeya ma ya nîyanêne çin a.”
Dewamê qiseykerdişê xo de Tanî nîya qisey kerd: “Şar sey birayan ciwîyeno, kesî dest binê gula kesî nêkerdo. La henî aseno ke sîyasetmedarê ma hîna amade nîyê. Yew serekkomar esto ke keyan rê şenîye yo. Roje de 5 saetî qisey keno. Ci ra qeder kam roje de 5 saetî qisey keno? Vistewreyê tewr fizilî hîna roje de 5 saetî qisey nêkenê, qefelînê. Kam ke keweno ey ver, ci rê nengan çineno. Şenik mendbî ke Bulent Arinçî de pêro bido. 40 serrî yo ke yew mucadele esta. Yeno vano ke ‘nê kurdî çi wazenê, mi fehm nêkerd’. Teba to de neweşîya aqilî esta ke ti ser nêşona? Ma çend rey vajîme?”
Diktatör Erdoğan hona fam nikerd kirmanci çı wazene nawo texte xo sero nişto ro xever dano milet^u.. Altan Tan raşt vato ke vistöriya tewr geveze k honde jêde qesey nekena
Polîtîkaya tirka xap û xirab a. Dişmenî reyde ne “quzilqurt” ne zî “zexnepurt” benî. Wexto ke birêz Tan û HPD ney fehm kenî, karê ma beno asanêr
Ma Kirmance Dersimizi 1978 ra na het dime tirkan de sime, 1.000 cence maye xirt cane xo caverda na rayede. Xeyleye inan bi dirbetin, eqle xo sas kerd, sey hazaran ramey si sukane tirkan, bi asimiley, bi kemalist, bi tirk. Taye bini ju dugelane bini, her ciye xo kerd vind. Seba ardena sosyalizm ma kulture xo, ziwane xo, siyaseta xo, netewiya xo, welate xo, itiqate xo, her ciye xo kerd vind. Ju roze bime hesar ke, no kaye sosyalizm kaye devleta tirkan biyo. Nika partiya HDP yo ke hete MIT xafilede ame ronayis mara vane ke, no kayo ke 30 serre Dersim de ame kay kerdene, gerekeke hete pero Kurdan biyero kay kerdene. Mak vameke, ittifake Ocalan-Tirkiya yo ke Kobane de hete hetkare Kurdan YDA ame riznayis ra sima hona dae nemisay? YDA u hezena global vane ke Kurdistan yeno ronayis, “siyaseta kurdan” vano ke ney, ma Kurdistan nevazinime, bi kaye doli wexte xo vurneme… Diyalektike Kobane gerekeke rind biyero fehm kerdene, rastiya u rostiya Kobane vanoke tirkan de birayen nebeno, tirkan dismene kurdane, ju dewlete di sarri endi nebeno, venge ronayise Kurdistan hesino. Duste HDP yik Kurdistan yeno ronayis. Ma 30 serre de museme ke tirkan ra u partiyane inan ra durri merdim vindero. Na semeda ma HDP ve tirkan ra durri vindenime.