Keyepel Ekonomî Aksîyonê Boeîngî bîy berzî

Aksîyonê Boeîngî bîy berzî

264
1

Aksîyonê viraştoxê teyareyan Boeîngî wextkilm reşt erja tewr berz a 12 aşmeyan. Bi no lewayîşo pozîtîf prognozê aksîyonê Boeîngî heta nika rast vejîyê. Senedê Boeîngî na saete de (21.01.2011) 72,99 Dollarî de yenê hesibnayene. Ratîngo rînd ê bankayê JP Morganî poştîta (piştîya) raverşîyayîşê aksîyonanê Boeîngî da.

Konsolîdîsasyonê aksîyonê Boeîngî heta 65-70 Dollarî şono, dima pê zêdebîyayîşê herînayoxan û atmosfero rind ê borsayî şîy heta 76-77 Dollarî û seba wextêde kilm hetta 85 Dollarî mumkin bîy. Labelê gerek ke însanî baldar bibo ke rîzîkoyê Boeîngî hîna esto, ginawarişê aksîyonan heta 65 Dollarî merdim (mordem) xo vîr ra mekero.

No hewte Çîn Boeîng ra 200 teyareyî herînay, pêro pîya erja tîcaretî 19 mîlyarî Dollarî ya. Na xebera rinde binê sîya xeberêda xirabine de mende, çike rotişê teyareyanê luksî yê Boeîngî “Dreamliner 787” ancîya (onca) ame tehî r kerdene. Boeîng mecbur mend ke îmalatê teyaran çend aşmeyan rê bivîyarno. Na xebere ra tepîya bankayê Swîsî UBS aksîyonê Boeîngî bi “notr” kerd ratîng. Problemê lojîstîkî yê parçeyanê 787 heta nika nêame çareser kerdene, no semed ra UBS 12 aşmeyan de aksîyonê Boeîngî 72 Dollarî de vîneno.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

1 ŞÎROVE

  1. Chi rindeko ke zone mi jil dano, reseno her caye na dinay. Cence ma zone ma raver bene, ez zof saben. Xo ji we ma bo!!!!

Comments are closed.