Keyepel Kultur 5 Fîlmê Tewr Serkoteyî yê 2010

5 Fîlmê Tewr Serkoteyî yê 2010

145
0

Serra 2010 de xeylê fîlmê Hollywoodî pêşkêşê xeyran û heskerdoxanê fîlman bîy. Nê fîlmê profesyonelî bi mesrafo girs amey viraştene, la heto bîn ra kî xeylê kar kerd. DYA ra panc (ponc) fîlmê bi ameyeyo tewr girs nê yê:

1. Toy Story 3 – $ 1.051.100.000

Toy Story 3 serra 2010 de tewr zêde pere ard kasayan, no fîlm serra 2010 de 1 mîlyar Dollarî ra zêde kar kerd. Beşanê 1. û 3. yê serranê 1995 û 1999 ra tepîya 11 serran ra beşa 3. ame çarnayene. Fîlmê anîmasyonî bi formatê 3D Dîjîtal ame antene (ontene).


2. Alice in Wonderland – $ 1.024.300.000

Alice in Wonderland (“Alîce dîyarê macerayan de”) jê (sey) kitabê domanan serra 1865 de hetê nuştox Lewîs Carrollî ra ameybî nuştene. Serra 2010 de no kitab bi formatê vejîya sînema. No fîlm zereyê 9 aşman de bîyo fîlmo tewr serkote (serkewte) yê her çaxî.

3. Inception – $ 774.800.000

Fîlmo neweyo fantastîk yê rejîsorê amerîkayijî Chrîstopher Nolanî (rejîsorê fîlmanê Batmanî yo) Inception (“Destpêk”) no hamnanê 2010 de hetê qayîtkerdoxan ra zaf ame hes kerdene û bîletê fîlmî sînemayanê xeylê welatan de bi hewteyan cayo 1. de mendî.

4. For ever Shrek – $ 731.000.000

Reyna fîlmêde anîmasyonî şî qayilê qayîtkerdoxan. Shrek beşa xoya 4. ra 04.05.2010 vejîya sînemayan. Fîlmê komîkî yê qehremanê keskî pêro dinya de xeyranî dîy. Mesrefê nê fîlmî 165 mîlyon Dollarî bî û heta nika 731 mîlyon Dollarî kar kerd. Ameyeyê çar beşanê fîlmî pêro pîya 2,9 mîlyar Dollarî bî.

5. The Twilight Saga: Eclipse – $ 689.900.000

No fîlm kitabê romannuştoxe Stephanîe Meyer ra ra vejîyaybî sînemayan û zaf rew weş bi qayîtkerdoxan (bitaybetî çênekan (kênekan)) şîy. Na beşe roja 24.06.2010 de Los Angeles de ameye musnayene. No fîlmê vampîran de Robert Pattînson û Taylor Lautner kay kenê.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here