Keyepel Magazîn 40 serran ra tepîya Şivan Perwer û Îbrahîm Tatlises amey têlewe

40 serran ra tepîya Şivan Perwer û Îbrahîm Tatlises amey têlewe

315
1

Di hunermendê namdarê kurdî Şivan Perwer û Îbrahîm Tatlises 40 serran ra tepîya reya verêne Hewlêr de amey têlewe. Perwer û Tatlisesî ke prosesê aştî yê Tirkîya rê destek da, va ke “Gerek pêro hunermendê Tirkîya beşdarê nê prosesî bibê.”

Di senetkaranê rihayijan Dîvan Otel ê Hewlêrî de bi tirkî û kurdkî qisey kerd, zemanê kanî ardî xo vîr û çapemenîye rê mesajê aştî da. Şivan Perwerî da zanayene ke o xortîya xo ra Îbrahîm Tatlisesî nas keno. Perwerî cîgerê ke pîyê Îbrahîm Tatlisî Xal Ahmetî rotenê, bi keyfweşîye werdêne. Perwerî ke welat terk kerd, 40 serrî vêrd ra ke di hemşehrî xo ancîya bivînê.

Îbrahîm Tatlisesî va ke Şivan hunermendêde girs o. “Ma domanê eynî erdî yîme. Hemşehrî yîme, ma eynî ca de bîme pîl.” Derheqê wextê xortîya xo de Perwerî nîya qisey kerd: “Ma xortênîya xo ameyêne têlewe. O dem ez wendekar bîya. Mi hertim waştêne ke biwanî, mi huner rê zêde eleqe nêmusna. Labelê dima ma dî ke huner ra faydeyê ma esto û wext henî vêrd ra.”

Xoşebera Perwer û Tatlisesî de ke nêzdîyê yew saete ramit, înan venga hunermendanê Tirkîya da ke beşdarê prosesê aştîye bibê. “Ma domanê şarê ma yîme”, Perwerî va. Tatlisesî kî pers kerd: “Ferqê kurd, laz û turkî esto?” Naye ser o Şivan Perwerî cewabêde nîyanên da: “Ney, qet ferqê înan çin o. Pêro însan însan ê.

Hesabê Facebookî yê Şivan Perwerî ra resimê di hunermandanê namdaran
Hesabê Facebookî yê Şivan Perwerî ra resimê di hunermendanê namdaran

 

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

1 ŞÎROVE

  1. Nika no I.Tatlises key bî “hunermendo namdaro kurd”! Mesela ey seveta hunerê kurdî se kerdo? Kilam û lawikê kurdî era tirkî çarnayîs kî sayîya sima de bî “hunerê kurdî”! Tew…mihemed sero Xizir rê qesesbikero….

CEWAB BIDE

Please enter your comment!
Please enter your name here