Keyepel Teknolojî 2011 de kî Înterneto mobîl raver şono

2011 de kî Înterneto mobîl raver şono

132
0

[wide][/wide]Serra 2011 seba teknolojîyan kî serrêda muhîm a. Xeylê vurnayîşê neweyî amadekarîye der ê, şîrketî ancîya (onca) kotê reqabetê pîyase.

Lîderê înovasyonê teknolojî nê serran de fîrmaya amerîkayije Apple bîyo. Vetişê hacetê înanê neweyî iPad werteyê 2-3 aşmeyan de xeylê produktê neweyî tey ard. Vejîyayîşê îPadî ser o xeylê şîrketanê teknolojî produktê neweyî ard meydan ke reqabetê iPadî bikerê. Tesîrê komputera “tablet”î serra 2010 de kî girs o.

Taybetmendîya iPadî ya ke xebitnayox pê şikîno her ca de xeberan biwano, muzîk goşdar bikero, qayîtê vîdeoyan bikero, hevalanê xo de qisey bikero, dosyayan bar bikero, yanî her ca de mobîl bibo. Gama verêne Apple bi iPad eşte, nika bellî yo trendê teknolojî şono hetê mobîlîte. No şoreşê teknolojîyanê komputuran seba keyepelanê sosyalî jê (sey) Facebook ya kî Twitter serra 2011 de kî avantaj o. Kamcîn fîrmayan ke no trendê mobîlbîyayîşî teqîp kerd û aye ra gore hereket kenê, rind kar kenê.

2011 de şîrketê jê (sey) Linkedin (Platformê girêdayîşî yo amerîkayij) û Skype (Fîrmaya telefonkerdişê Înternetî) kunê borsa. Tayê pisporê fînansî vanê ke nê di şîrketî besekenê jê (sey) Google zaf çîp raver şêrê û aye ra borsa de cayêde giran xo rê bicêrê. La heto bîn ra gerek ke bêro vatene ke înovasyonê ke Google wextê xo de vet, ne Linkedin ne kî Skype de esto.

Trendê teknolojîyanê 2011 binê tesîrê Înternetê mobîlî yo. No sektor pêro sektoranê bînan ê komputure û telefonan xo dima kaş keno.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.