No fîlm de yew kareyo rast ê serranê 1970 beno mewzû. Qehremanê fîlmê “Buenos Aires, 1977″ kalevan Claudîo yo. Claudîo gerreyêde nimite ra dime hetê polîsanê artêşe ra yeno remnayene. Polîsî ey û xeylê cêncan remnenê benê yew vîla de kenê hesîr. Pêro cêncî uca de giran yenê pêro dayene û îşkence kerdene. Labelê mezalîmê polîsan çimanê cêncan nêtersneno û ê nameyê hevalanê xo eşkera nêkenê. 120 rojan ra tepîya cêncî raya remnayîşî cênê…

Wextê dîktatorîya artêşa Arjantînî de (1976-1983) 30.000 ra zêde muxalefetê nê rejîmî amey remnayene, hepisxaneyanê nimitan de zulm û îşkence dîy û înan ra xeylê hezar “vîndîbîyayoxî” (desaparecidos) amey kiştene. Meyîte înan hetê jetanê artêşe erzîyay bi okyanûsê Atlantîkî.

Generalê ê wextî Jorge Rafael Vîdelayî vatîbî: “Çend tenê însan gerek bimiro ke Arjantîn ancîya bibo bêtehluke?”

Sernuşteyê orjînalî: Crónica de una fuga
Drama: Arjantîn, 2006
Rejî: Israel Adrián Caetano
Kaybazî: Rodrigo De la Serna, Pablo Echarri, Nazareno Casero

CEWAB BIDE

Keremê xo ra şîroveyê xo binuse
Keremê xo ra nameyê xo binuse